صفائی کرنے والےگاڑیوں کی مرمت میں تاخیر سے گریز کریں: سٹی میئر مسز گنڈو سدھا رانی
ورنگل:-14/اکتوبر
(ایس این بی)
عظیم تر بلدیہ ورنگل میئر مسز گنڈو سدھار انی نے عہدیداروں کو ہدایت دی کہ وہ صفائی والی گاڑیوں کی مرمت میں تاخیر سے گریز کریں۔
بروز پیر میئر نے انجینئرنگ اینڈ سینی ٹیشن حکام کے ساتھ بلدیہ ہیڈ کوارٹر میں میئر کے چیمبرز میں صفائی کی گاڑیوں کی زیر التوا مرمت کا جائزہ لیا ۔ اس موقع پر میئر نے کہا کہ گاڑیوں کی مرمت میں تاخیر سے شہر میں کچرے کو اٹھا نے میں رکاوٹ پیدا ہو سکتی ہے اس لیے سینی ٹیشن اور انجینئرنگ حکام مشترکہ اقدامات کریں تاکہ مرمت کے لیے شیڈ پر آنے والی گاڑیوں کی وقتاً فوقتاً مرمت ہو سکے۔ تمام گاڑیوں کی مرمت وقتاً فوقتاً سروسنگ مرحلہ وار کی جانی چاہیے تاکہ یہ یقینی بنایا جا سکے کہ وہ اچھی حالت میں ہیں۔ انہوں نے کہا کہ گاڑیوں کی مرمت کے لیے ٹینڈر کا عمل فوری طور پر مکمل کیا جائے۔
اس پروگرام میں ایس ای پروین چندرا، راجیا، سی ایم ایچ او ڈاکٹر راجیریڈی، ایم ایچ او راجیش، ای ای ایس نریندر، سنتوش بابو، ڈی ای ایس کارتک ریڈی، راج کمار، رنگا راؤ، سرنگم، آئی ٹی منیجر رمیش، اے ای ایس نے شرکت کی۔
