فلاحی اسکیموں کے متعلق عوام کو کسی قسم کے خدشات نہیں رکھنے چاہئیں، یہ ایک مسلسل عمل ہے – ایم ایل اے نائینی راجیندر ریڈی کا 48 ویں ڈویژن وارڈ میٹنگ میں خطاب۔
People should not have any concerns regarding welfare schemes, this is a continuous process – MLA Naini Rajender Reddy’s address at the 48th Division Ward Meeting.
حیدرآباد/ہنمکنڈہ:-23/جنوری
(دستور نیوزڈاٹ کام)
ورنگل ویسٹ ایم ایل اے نائینی راجیندر ریڈی نے کہا کہ فلاحی اسکیموں کے حوالے سے عوام کو کسی قسم کے خدشات یا غلط فہمیوں کا شکار نہیں ہونا چاہیے۔ اہل افراد کسی بھی وقت درخواست دے سکتے ہیں کیونکہ یہ ایک مسلسل عمل ہے۔ انہوں نے یہ بات 48 ویں ڈویژن درگاہ پنچایت آفس کے قریب منعقدہ وارڈ میٹنگ کے دوران کہی۔
اس موقع پر انہوں نے کہا کہ ان اسکیموں کے تحت، انفرادی مکانات (اندیرامّا انڈلو)، کسانوں کے لیے بھروسہ اسکیم، اور نئے راشن کارڈز کی تقسیم کے لیے وارڈ میٹنگز کا اہتمام کیا گیا ہے تاکہ مستحقین کی نشاندہی کی جا سکے۔
انہوں نے مزید کہا کہ عوامی حکومت کی درخواستیں، ماضی میں "می سیوا” مراکز پر موصول ہونے والی درخواستیں، اور حکومت کے پاس موجود غریب خاندانوں کی ذات کی بنیاد پر تفصیلات کو مدنظر رکھتے ہوئے مستحقین کا انتخاب کیا گیا ہے۔
انہوں نے یقین دہانی کرائی کہ جو لوگ نئے درخواستیں دینا چاہتے ہیں، ان کی درخواستوں کو قبول کیا جائے گا اور ان کا جائزہ لیا جائے گا۔ ان درخواستوں کا زمینی سطح پر جائزہ لے کر اہل افراد کو فائدہ پہنچایا جائے گا۔
انہوں نے زور دیا کہ فلاحی اسکیموں کے حوالے سے عوام کو کسی قسم کے شکوک و شبہات کا شکار ہونے کی ضرورت نہیں ہے۔ اہل افراد کسی بھی وقت درخواست دے سکتے ہیں، اور یہ مسلسل جاری رہنے والا عمل ہے۔ حکام سے کہا گیا کہ وہ کوآرڈینیشن کے ذریعے اہل مستحقین کا انتخاب کریں۔
اس پروگرام میں ڈویژن کی مقامی کارپوریٹر ڈاکٹر سرتاج بیگم، سابق کارپوریٹر ایڈوکیٹ ابوبکر، سینئر رہنما شیخ امر، ڈویژن صدر سنگارپ روی پرساد، مٹید کمار، ایم وینو، لاوڈیا روی، امبالا سرینیواس، ترومل، ٹی ستیش، محمد امتیا ز اور دیگر نے شرکت کی۔
