Gang arrested for kidnapping, raping and forcing minor girl into prostitution
نابالغ لڑکی کو اغوا کر کے عصمت دری اور جسم فروشی پر مجبور کرنے والا گروہ گرفتار
حیدرآباد/ورنگل:-18/مارچ
(دستور نیوز ڈاٹ کام)
شہر میں ایک نابالغ لڑکی کو اغوا کر کے عصمت دری کے بعد جسم فروشی پر مجبور کرنے کی کوشش کرنے والے 6 افراد کے گروہ کو میلز کالونی پولیس نے منگل کے روز گرفتار کر لیا۔ گرفتار شدگان میں ایک نابالغ لڑکی، ایک خاتون اور چار مرد شامل ہیں۔ پولیس نے ان کے قبضے سے 1.8 کلو گرام چرس، ایک کار، 75 ہزار روپے نقدی، چار موبائل فون اور مرکزی ملزمہ کے گھر سے بڑی مقدار میں کنڈوم کے پیکٹ برآمد کیے۔
پولیس کے مطابق گرفتار ملزمان کی شناخت 1۔مسکو لتا، لیادیلہ گاو?ں، دامرا منڈل، ورنگل ضلع 2. نابالغ لڑکی 3. عبدال افنان، شیخ سائلانی بابا، محمد الطاف اور مرزا فیض بیگ عرف ودود، شمھبو نی پیٹ، ورنگل۔
ورنگل پولیس کمشنر سنپریت سنگھ نے تفصیلات بتاتے ہوئے کہا کہ 11 تاریخ کو نابالغ لڑکی کی گمشدگی کی رپورٹ درج کرائی گئی تھی۔ میلز کالونی پولیس نے کیس درج کر کے تحقیقات شروع کی اور لڑکی کو ملگو کراس روڈ پر بازیاب کرایا۔ لڑکی نے پولیس کو بتایا کہ اسے کچھ افراد نے اغوا کیا، زبردستی چرس پلائی اور زیادتی کا نشانہ بنایا۔ پولیس نے کمشنر کے احکامات پر سینٹرل ڈی سی پی شیخ سلیمہ کی نگرانی میں ورنگل اے سی پی کی قیادت میں تین خصوصی تحقیقاتی ٹیمیں تشکیل دیں، جنہوں نے ملزمان کو گرفتار کر لیا۔ تفتیش کے دوران معلوم ہوا کہ مرکزی ملزمہ مسکو لتا جسم فروشی کا کاروبار چلا رہی تھی اور والدین کے انتقال کے بعد ایک اور نابالغ لڑکی کو اپنے گھر میں پناہ دے رکھی تھی۔ ملزمہ نے نابالغ لڑکی کو یہ لالچ دیا کہ اگر وہ جسم فروشی میں اس کا ساتھ دے تو اسے پیسے دیے جائیں گے۔ نابالغ لڑکی نے اس لالچ میں آ کر اپنی سہیلی سے دوستی کی اور انسٹاگرام کے ذریعے متاثرہ لڑکی سے رابطہ بڑھایا۔ بعد ازاں متاثرہ لڑکی کو ملاقات کے بہانے بلایا گیا، نشہ آور مواد پلایا گیا اور اسے کار میں لے جا کر شیخ سائلانی بابا کے ایک پرانے مکان میں زیادتی کا نشانہ بنایا گیا۔ ملزمان نے لڑکی کو بلیک میل کرتے ہوئے دھمکی دی کہ اگر اس نے ان کے کہنے پر عمل نہ کیا تو اس کے ساتھ ہونے والی زیادتی کی ویڈیو وائرل کر دی جائے گی۔ تاہم، بعد میں لڑکی کو ملگو کراس روڈ پر چھوڑ کر ملزمان فرار ہو گئے۔
پولیس کمشنر نے سینٹرل زون ڈی سی پی شیخ سلیمہ، ورنگل اے سی پی نندیرام نائک، میلز کالونی انسپکٹر وینکٹ رتنا اور ایس آئیز شری کانت اور سریش سمیت دیگر پولیس اہلکاروں کی کارکردگی کو سراہا۔
