Government’s efforts for the development of Kakatiya University.
Warangal West MLA Naini Rajender Reddy pays tribute to Jyoti Rao Phule
کاکتیہ یونیورسٹی کی ترقی کے لیے حکومت کی کاوشیں۔
ورنگل ویسٹ ایم ایل اے نینی راجندر ریڈی جیوتی راؤ پھولے کو خراج عقیدت پیش کیا
حیدرآباد/ہنمکنڈہ:-28/نومبر
(دستور نیوز ڈاٹ کام)
ورنگل ویسٹ ایم ایل اے نینی راجندر ریڈی جیوتی راؤ پھولے کو کاکتیہ یونیورسٹی کیمپس میں خراج عقیدت پیس کیا ورنگل ویسٹ کے رکن اسمبلی نینی راجندر ریڈی نے کہا کہ ریاستی حکومت نے کاکتیہ یونیورسٹی کی ترقی کے لیے خصوصی توجہ دی ہے۔
ایم ایل اے نینی راجندر ریڈی نے کاکتیہ یونیورسٹی کے سینیٹ ہال میں محکمہ سماجی امور کے زیر اہتمام "عالمگیریت، ترقی اور معاصر بھارت میں سماجی تنظیموں کے ذریعے سماجی تبدیلی” کے موضوع پر منعقدہ سیمینار میں بحیثیت مہمان خصوصی شرکت کی۔
سیمینار سے خطاب کرتے ہوئے ایم ایل اے نینی نے کہا کہ انہیں کاکتیہ یونیورسٹی جیسے شاندار تاریخ رکھنے والے ادارے کے سیمینار میں شرکت کرکے خوشی محسوس ہوئی۔ انہوں نے کہا کہ وزیر اعلیٰ ریونت ریڈی نے کاکتیہ یونیورسٹی پر خصوصی توجہ دی ہے اور عوامی حکومت ماضی کے مقابلے میں یونیورسٹی کی تمام شعبوں میں ترقی میں تعاون کرے گی۔
انہوں نے زور دیا کہ بدلتے وقت کے تقاضوں کے مطابق تبدیلی آنی چاہیے۔ ایسے دور میں جب انسانی تعلقات کمزور ہو رہے ہیں، تعلیم اور وقت کی تبدیلی پر خصوصی توجہ دی جانی چاہیے۔ انہوں نے کہا کہ نوجوانوں، درمیانی عمر کے افراد اور بزرگوں کے طرز زندگی کے معیار پر وقتاً فوقتاً مطالعات کیے جانے چاہئیں۔
اس سے قبل، کاکتیہ یونیورسٹی کیمپس میں مہاتما جیوتی با پھولے کی برسی کے موقع پر پھولوں کی مالا چڑھا کر خراج عقیدت پیش کیا گیا۔ اسی طرح بی سی ایسوسی ایشنز کے رہنماؤں اور بی سی کے یو ملازمین کی تنظیموں کے رہنماؤں نے مہاتما جیوتی با پھولے کے مجسمے پر پھول مالا چڑھائی اور خراج عقیدت پیش کیا۔
اس پروگرام میں کاکتیہ یونیورسٹی کے وائس چانسلر پروفیسر کے. پرتاپ ریڈی، پروفیسر کُروپتی وینکٹا نارائنا، گھانٹا چکرپانی، گنیش، اما موہن، ہنومانت راؤ، منوہر، ملیکارجنا ریڈی، رامولو، کانگریس میونسپل فلور لیڈ رتوٹا وینکٹیشورلو، کارپوریٹر جکولا رویندر یادو، کانگریس رہنما ایم پی آنند، بوڈا ڈن، یونیورسٹی طلبہ رہنما اور دیگر نے شرکت کی۔
