ورنگل کے پولیس کمشنر امبر کشور جھا کا عہدیداروں کے ساتھ جائزہ اجلاس، آپسی تال میل کے ذریعہ پرامن انتخابات کو یقینی بنانے کی ہدایت
حیدرآباد/ورنگل:-یکم اپریل
(دستور نیوز ڈاٹ کام)
ورنگل پولس کمشنر نے عہدیداروں پر زور دیا کہ وہ پولیس افسران اور عملہ کو باہم مربوط کرتے ہوئے آئندہ پارلیمانی انتخابات کو کامیابی سے انجام دیں۔ ورنگل پولیس کمشنریٹ کے افسران کی کارکردگی پر ماہانہ کرائم جائزہ میٹنگ کے ساتھ ساتھ ورنگل پولیس کمشنر نے پیر کو سنٹرل اور ایسٹ زون کے پولس کمشنروں کے ساتھ انتخابات کے انعقاد پر ایک جائزہ میٹنگ کا اہتمام کیا۔
اس میٹنگ میں پولیس کمشنر نے سب سے پہلے زیر التواء کیسوں کی تفصیلات کے بارے میں انفرادی طور پر سٹیشن عہدیداروں سے دریافت کیا اور ساتھ ہی زیر التواء کیسوں کو فوری طور پر حل کرنے پر زور دیا۔ زیر التواء کیسوں میں ملزمان کو پکڑنے کے لیے خصوصی ٹیمیں تشکیل دینے خصوصاً مہارت کے ساتھ تفتیش کریں تاکہ مجرموں کو گرفتار کیا جاسکے۔ انہوں نے کہا کہ گانجہ اور عصمت دری سے متعلق کیسوں میں غیر ضمانتی وارنٹ کے ملزمان کی گرفتاری عمل میں لا کر انہیں عدالت میں پیش کیا جانا چاہئے۔ہر زاویہ سے امن و سلامتی کو برقرار رکھنے کے ایک حصے کے طور پر، مقامی اسٹیشن کے حکام کو چاہئے کہ وہ رات 10 بجے شراب کی دکانوں کو بند کرنے کے لئے اقدامات کریں۔
ورنگل کمشنر آف پولیس نے افسران کو مشورہ دیا کہ وہ اپنے اسٹیشن کے حدود کے اندر موجود حساس پولنگ مراکز کا دورہ کرنے کے ساتھ ساتھ اپنے دائرہ اختیار میں آنے والے پولنگ مراکز کا دورہ کریں اور فیلڈ لیول پر بنیادی سہولیات کے انتظامات کا معائنہ کریں اور مزید انتظامات کے لیے متعلقہ حکام کو معلومات فراہم کریں۔انہوں نے زور دیتے ہوئے کہا کہ ہمیں الیکشن ڈیوٹی کو شفاف طریقے سے انجام دیناہے ۔
اس میٹنگ میں ڈی سی پیز رویندر،سنٹرل زون ڈی سی پی محمد عبدالباری، ٹرینی آئی پی ایس افسران انکت، شوبھناگ، ایڈیشنل ڈی سی پی روی کے ساتھ اے سی پیز، انسپکٹرز اور ایس آئیز نے شرکت کی۔
