14 جون کو ورنگل ادارہء ادبِ اسلامی کے زیر اہتمام طرحی و غیر طرحی مشاعرہ
Idara e Adab Islami warangal ky janib se Tarahi wo Ghair Tarahi Mushaira
حیدرآباد/ورنگل:-11/جون
(دستور نیوز ڈاٹ کام)
ادارہء ادبِ اسلامی ورنگل کے شعبہ نشر و اشاعت کی اطلاع کے بموجب ورنگل ادارہء ادبِ اسلامی کے زیر اہتمام طرحی و غیر طرحی مشاعرہ بتاریخ 14 جون 2025ء بروزِ ہفتہ بوقت 2 بجے دن بمقام اسلامک انفارمیشن سنٹر پوچمّا میدان ورنگل میں منعقد کیا جائے گا. مصرع طرح " دشمنوں سے بھی پیار کرتے ہیں ” قافیہ پیار اور ردیف کرتے ہیں. ہے مشاعرہ کی صدارت ڈاکٹر رحیم رامِش رٹائیرڈ ڈائٹ لکچرر کریں گے اور بطورِ مہمانان خصوصی ڈاکٹر نعیم سلیم رٹائیرڈ یونانی چیف میڈیکل آفسر، جناب سید عبدالسبحان امیر جماعت اسلامی شہر ورنگل و جناب محمد عبدالقدوس شریک ہوں گے۔
اس مشاعرہ میں مہمان شعراء جناب فیصل وارثی، جناب امجد سلیم امجد ،جناب مہیمن راحل، جناب عبدالقدیر طاہر اور جناب سہیل کریمنگری کےعلاوہ میزبان شعراء حضرت اقبال شیدائی، جناب اقبال درؔد، جناب ناصر واحدی جناب حسینی برتر، جناب وحید گلشن، پروفیسر احمد حسین خیال، جناب اکبرضیاء جناب مجاہد حسین جوہر، جناب حمید عکسی جناب حامد حسین حامد، جناب قادر انصاری، جناب خواجہ کیفی، جناب داؤد اسلوبی، جناب امیر الدین امیر، ڈاکٹر شجیع اکبر، اور محترمہ نعیمؔہ گوہر اپنے طرحی کلام سے محظوظ فرمائیں گے۔ نظامت جناب اقبال درؔد کی ہوگی ۔
داعیانِ مشاعرہ حامد حسین حامد، سیّد عبدالحفیظ نے اہل ذوق حضرات سے مع احباب وقت مقررہ پر شرکت کی خواہش کی ہے.
