English HeadlineHanamkonda Collector Chahat Bajpai Directs Officials to Expedite MP-LADS Development Works
ایم پی لیڈز فنڈز سے جاری ترقیاتی کاموں کو جلد مکمل کیا جائے: کلکٹر چاہت باجپائی
ہنمکنڈہ، 19 ستمبر:
(دستور نیوز)
ہنمکنڈہ ضلع کلکٹر چاہت باجپائی نے متعلقہ عہدیداروں کو ہدایت دی ہے کہ ایم پی لوکل ایریا ڈیولپمنٹ اسکیم (MP-LADS) کے تحت ضلع میں جاری مختلف ترقیاتی کاموں کو تیزی سے مکمل کیا جائے۔ہفتہ کے روز ہنمکنڈہ ضلع کلکٹریٹ میں کلکٹر کے چیمبر میں ایم پی لیڈز کے تحت جاری ترقیاتی کاموں کی پیش رفت کا جائزہ لینے کے لیے مختلف محکمہ جات کے عہدیداروں کے ساتھ اجلاس منعقد ہوا۔
اس موقع پر کلکٹر نے پنچایت راج، آر اینڈ بی، مشن بھاگیرتا اور ٹی جی آئی ڈی سی سمیت مختلف محکمہ جات کے تحت جاری کاموں کی پیش رفت کے بارے میں تفصیلات دریافت کیں۔
کلکٹر چاہت باجپائی نے کہا کہ ایم پی لیڈز فنڈز سے جاری ترقیاتی کاموں میں جو کام تکمیل کے مرحلے میں ہیں، انہیں جلد مکمل کیا جائے۔ انہوں نے باقی ماندہ کاموں کی تکمیل میں بھی تیزی لانے کے لیے ضروری اقدامات کرنے کی ہدایت دی۔کلکٹر نے مزید کہا کہ ایم پی لیڈز کے تحت جاری ترقیاتی کاموں کی پیش رفت کا ایک ہفتے بعد دوبارہ جائزہ لیا جائے گا۔
اجلاس میں چیف پلاننگ آفیسر ستیہ نارائنا ریڈی، آر اینڈ بی ای ای دیویکا چوہان، مشن بھاگیرتا انٹرا ای ای گایتری، پنچایت راج ای ای راج گوپال راؤ، ڈی ایز سرینواس راؤ، شریشا، یوگندھر اور رام دیو، کنسلٹنٹ ٹیکنیکل نریندر ریڈی، ٹی جی آئی ڈی سی اے ای ایم ڈی عزیز خان، پنچایت راج کے اے ایز اور دیگر عہدیدار موجود تھے۔
dastoornews
