مرکزی وزیر زراعت شیوراج سنگھ چوہان اور مرکزی وزیر داخلہ برائے ریاست بنڈی سنجےتلنگانہ میں بارش اور سیلاب سے ہونے نقصانات کا جائزہ
حیدرآباد:-6/ستمبر
(دستور نیوز ڈاٹ کام)
مرکزی وزیر زراعت ء شیوراج سنگھ چوہان اور ر مرکزی مملکتی وزیر داخلہ بنڈی سنجے حالیہ سیلاب سے ہونے والے نقصانات کا جائزہ لینے حیدرآباد پہنچے۔ چیف منسٹر اے ریونت ریڈی نے کیمپ آفس میں مرکزی وزراء کا استقبال کیا۔ انہوں نے سیلاب سے ہونے والے نقصانات کے بارے میں جاننے کے لیے متعلقہ حکام اور چیف سیکریٹری کے ساتھ میٹنگ کی۔ بعد میں، مرکزی وزراء سیلاب سے متاثرہ علاقوں کا دورہ کریں گے اور تلنگانہ میں بارش سے آنے والے سیلاب سے ہونے والے نقصانات کا جائزہ لینے کی کوشش کریں گے۔
بعد ازاں مرکزی وزیر زراعت شیوراج سنگھ چوہان اور مرکزی مملکتی وزیر داخلہ برائے بنڈی سنجے نے حالیہ شدید بارشوں اور سیلاب سے ہونے والے نقصانات اور سیلاب سے متاثرہ علاقوں کی حالت پر ریاستی حکومت کی طرف سے ڈاکٹر بی آر امبیڈکر سکریٹریٹ میں منعقد تصویری نمائش کا معائنہ کیا۔ چیف منسٹر ریونت ریڈی نے مرکزی وزراء کو سیلاب سے متاثرہ علاقوں میں ہونے والے نقصانات سے آگاہ کیا۔
اس مو قع پر ڈپٹی چیف منسٹر مالو بھٹی ویکرمارکا، وزراء پونگولیٹی سری نواسا ریڈی، تملا ناگیشور راؤ، وزیراعلیٰ کے مشیر ویم نریندر ریڈی، حکومتی مشیر ہرکارا وینوگوپال راؤ، پرنسپل سکریٹری شانتی کماری اور دیگر سربراہان ان کے ساتھ تھے۔
اس سے قبل مرکزی وزیر شیوراج سنگھ چوہان نے آندھرا پردیش میں سیلاب سے متاثرہ حصے کا دورہ کیا۔ انہوں نے وعدہ کیا کہ مرکز اور ریاستی حکومتیں ریاست میں سیلاب سے متاثرہ افراد کی ہر ممکن مدد کریں گی۔ چوہان نے کرشنا ضلع کے کیسراپلی ریہ کا دورہ کیا۔ انہوں نے کسانوں سے بھی بات چیت کی جنہوں نے انہیں اپنی تباہ شدہ فصلیں دکھائیں۔ ٹی ڈی پی کے سینئر لیڈر اتچنائیڈو اور بی جے پی کے ریاستی صدر پورندیشوری ان کے ساتھ تھے
