Manhaj High School Promotes Quality Education with Moral and Islamic Values
منہج ہائی اسکول: معیاری تعلیم کے ساتھ اخلاقی و اسلامی تربیت کا مؤثر مرکز
منہج ہائی اسکول کا پیغام ہے:
"اچھی تعلیم صرف ضرورت نہیں بلکہ عبادت بھی ہے۔”
آج کے دور میں بچوں کی معیاری تعلیم و تربیت والدین کی سب سے بڑی ذمہ داری ہے۔ ایک صالح، باکردار اور باصلاحیت نسل کی تعمیر کے لیے صرف نصابی تعلیم کافی نہیں بلکہ دینی، اخلاقی اور تہذیبی تربیت بھی ناگزیر ہے۔ اسی مقصد کو پیش نظر رکھتے ہوئے منہج ہائی اسکول (انگلش میڈیم) بچوں کی ہمہ جہت شخصیت سازی کے لیے کوشاں ہے۔
اسکول کا بنیادی مقصد طلبہ میں اعلیٰ اخلاقی اقدار، اسلامی روایات اور مضبوط عقیدہ و ایمان کو فروغ دینا ہے۔ ادارہ بچوں میں مثبت سوچ، تخلیقی صلاحیتوں، شعور و آگہی اور تعمیری فکر کو پروان چڑھانے کے لیے بہترین تعلیمی ماحول فراہم کرتا ہے تاکہ وہ مستقبل میں ملک و ملت کی تعمیر و ترقی میں مؤثر کردار ادا کر سکیں۔
منہج ہائی اسکول میں ماہر اور تجربہ کار اساتذہ کے ساتھ علماء کرام کی نگرانی میں عصری اور دینی تعلیم کا حسین امتزاج پیش کیا جاتا ہے۔ ادارہ اس بات پر یقین رکھتا ہے کہ بچوں کی دینی تربیت وقت کا اہم تقاضا ہے، لہٰذا والدین کو چاہیے کہ وہ اپنے بچوں کے بچپن کو معیاری تعلیم و تربیت کے ذریعے کارآمد بنائیں، کیونکہ آج کی اچھی تعلیم و تربیت ہی کل کی کامیابی کی تعبیر ہے۔
اسکول کی نمایاں خصوصیات میں اسلامی ماحول میں معیاری عصری تعلیم، ابتدائی مرحلے سے انگریزی زبان پر خصوصی توجہ، بچوں کی تخلیقی و اختراعی صلاحیتوں کو اجاگر کرنے کا منظم نظام، کشادہ کلاس رومز، صاف ستھرا ماحول اور شخصیت سازی (Personality Development) پر خصوصی توجہ شامل ہیں۔
طلبہ کی صلاحیتوں کو نکھارنے کے لیے وقتاً فوقتاً مختلف مقابلے، ورکشاپس اور سیمینارز منعقد کیے جاتے ہیں۔ ملک بھر کے ماہرین تعلیم اور علماء کرام کی سرپرستی میں طلبہ کو اسلامی فکر و تہذیب کے ساتھ اعلیٰ تعلیم کے حصول کے لیے تیار کیا جاتا ہے۔
ادارے کا نصب العین ہے کہ امت کے نونہالوں کی سوچ اور مزاج کو مثبت سمت دی جائے اور انہیں علم، کردار اور صلاحیتوں سے آراستہ کیا جائے، کیونکہ بغیر تراشے ہوئے ہیرے اپنی اصل چمک نہیں دکھا سکتے۔
