Union Ministers Kishan Reddy and Jual Oram Attend Medaram Jatara, Receive Grand Welcome from State Ministers
میڈارم جاترا میں مرکزی وزراء کشن ریڈی اور جوئیل اورام کی شرکت، ریاستی وزراء کی جانب سے شاندار استقبال
حیدرآباد/ورنگل:29/جنوری
(دستور نیوز ڈاٹ کام)
براعظم ایشیا کے سب سے بڑے قبائلی میلے، ’شری سمکا سارلمہ میڈارم جترا‘ کے دوسرے دن مرکزی وزیر برائے کان کنی جی کشن ریڈی اور مرکزی وزیر برائے قبائلی امور جوئیل اورام نے شرکت کی۔ اس موقع پر ریاستی وزیر دنسری انسویا (سیتکا) اور ایڈلوری لکشمن کمار نے ان کا پُرجوش استقبال کیا۔
مرکزی وزراء نے دیویوں کے درشن کیے اور اپنی منتیں پوری کرتے ہوئے روایتی طور پر ’نیلویتھو بنگارم‘ (اپنے وزن کے برابر گڑ) پیش کیا۔
ریاستی حکومت کی جانب سے مرکزی وزراء کو یاد دلایا گیا کہ میڈارم جا ترا کو، جو کہ کمبھ میلے کی مانند عقیدت کا مرکز ہے، قومی تہوار قرار دیا جائے۔ اس سلسلے میں وزیراعظم سے بات چیت کرنے کی درخواست بھی کی گئی۔
ریاستی وزراء نے بتایا کہ یہاں آنے والے لاکھوں بھکتوں کے لیے حکومت کی جانب سے پختہ اور مستقل انتظامات کیے گئے ہیں۔
مرکزی وزیر کشن ریڈی اور جوئیل اورام نے یقین دلایا کہ وزیراعظم کی ہدایات کے مطابق میڈارم جتھرا کی ترقی کے لیے مرکزی حکومت ہر ممکن تعاون فراہم کرے گی۔
مرکزی وزراء نے میڈارم میں کیے گئے انتظامات کی تعریف کی اور کہا کہ ملک بھر کے قبائلیوں کو اس تاریخی میلے کے بارے میں جاننا چاہیے اور یہاں آنا چاہیے۔ انہوں نے تمام قبائلی عوام اور عقیدت مندوں کو مبارکباد پیش کی۔
اس موقع پر تلنگانہ حکومت کی جانب سے مرکزی وزراء کو شال اڑھا کر اور یادگاری نشانات (Mementos) پیش کر کے معزز مہمانوں کی عزت افزائی کی گئی۔
