Khammam Minority Congress Party leaders organize Iftar party
کھمم اقلیتی کانگریس پارٹی قائدین کی جانب سے دعوتِ افطار کا اہتمام
حیدرآباد/کھمم:-25/مارچ
(دستور نیوزڈاٹ کام)
کھمم ضلع کانگریس پارٹی اقلیتی قائدین کی جانب سے کھمم شہر کے سٹی سنٹرل کنونشن ہال میں دعوتِ افطار کا اہتمام کیا گیا۔ اس موقع پر مہمانانِ خصوصی کے طور پر کھمم سٹی کانگریس صدر محمد جاوید اور کھمم ضلع کانگریس صدر درگا نے شرکت کی۔
اس موقع پر محمد جاوید کی شال پوشی اور گل پوشی کی گئی۔ محمد جاوید نے اس موقع پر اظہارِ خیال کرتے ہوئے کہا کہ افطار پارٹی کے ذریعے مختلف طبقات سے تعلق رکھنے والے افراد کا ایک جگہ ملاقات کرنا اور حالاتِ حاضرہ پر تبادلہ خیال کرنا خوش آئند ہے۔ انہوں نے دعوتِ افطار کو قومی یکجہتی کی علامت قرار دیا۔
اس تقریب میں کھمم شہر کے متعدد دانشوران اور معزز شخصیات نے بڑی تعداد میں شرکت کی۔ بعد ازاں تمام فرزندانِ توحید نے سٹی سنٹرل کنونشن ہال میں نمازِ مغرب ادا کی اور بعد نمازِ مغرب تمام شرکاء کے لیے طعام کا اہتمام کیا گیا۔
