Police Commissioner patrols Warangal, assures citizens of safety
ورنگل میں پولیس کمشنر کا گشت، شہریوں کو تحفظ کا یقین دلایا
حیدرآباد/ورنگل:-17/دسمبر
(دستور نیوز ڈاٹ کام)
ورنگل شہر میں امن و امان کی صورتحال کو برقرار رکھنے کے لیے پولیس کمشنر امبر کشور جھا نے پولیس کے ہمراہ خصوصی گشت (پٹرولنگ) کا انعقاد کیا۔ اس موقع پر پولیس کمشنر نے چارباؤلی، پھاٹک محلہ، میوزیکل پارک اور رنگم پیٹ کے علاقوں میں گشت کرتے ہوئے شہریوں کو تحفظ کا یقین دلایا۔
اس موقع پر پولیس کمشنر نے کہا کہ گشت کے ذریعے نہ صرف جرائم پر قابو پایا جا سکتا ہے بلکہ مجرموں کو گرفتار کرنے میں بھی یہ کارگر ثابت ہو رہا ہے۔ انہوں نے مزید کہا کہ پولیس کی مسلسل موجودگی سے عوام میں اعتماد پیدا ہوتا ہے اور جرائم پیشہ عناصر میں خوف و ہراس برقرار رہتا ہے۔
یہ اقدامات شہر میں امن و امان کو مضبوط بنانے کے لیے کیے جا رہے ہیں تاکہ ورنگل کے شہری خود کو محفوظ محسوس کریں۔
