زیر التوا ترقیاتی کاموں کو پائے تکمیل تک لانا ہماری ذمہ داری ہے
It is our responsibility to complete pending khazipet bridge works.
حیدرآباد/قاضی پیٹ:-14/نومبر
(دستور نیوز ڈاٹ کام)
ورنگل کے رکن پارلیمنٹ ڈاکٹر کڈیم کاویہ نے کہا کہ ہم دیے گئے ہر وعدے کو پورا کرنے کے ذمہ دار ہیں۔ انہوں نے کہا کہ قاضی پیٹ پل کی تعمیر نو کے کام کو شروع کرنے کا سہرا جو کئی سالوں کا خواب بن کر رہ گیا ہے، کانگریس پارٹی کے سر ہے۔
قاضی پیٹ پل کے کام کا دوبارہ آغاز کیلئے ایم ایل اے نینی راجیندر ریڈی اور ایم پی ڈاکڑ کڈیم کاویہ ضلع کلکٹر پی ۔پراوینا اور کانگریس پارٹی کے نمائندوں کے ساتھ پل کی تعمیر کے لیے لائے گئے سامان کا معائنہ کیا۔
انہوں نے کہا کہ قاضی پیٹ پل کی تعمیر کا کام سابقہ حکومت کے حکمرانوں کی ہٹ دھرمی کی وجہ سے روک دیا گیا تھا لیکن چیف منسٹر ریونت ریڈی، ڈپٹی چیف منسٹر بھٹی وکرمارکا اور ضلع انچارج منسٹر پونگولیٹی سرینواس ریڈی کو فوری طور پر فنڈز جاری کرنے پر آمادہ کیا گیا۔
ریلوے ٹریک مذکورہ تعمیر کے لیے ریاست چھتیس گڑھ میں خصوصی طور پر تیار کردہ مواد لایا جا رہا ہے۔ انہوں نے کہا کہ ایک ہفتے میں مکمل مواد دستیاب ہو جائے گا۔ تمام میٹریل آنے پر پل کے تعمیراتی کام میں تیزی لائی جائے گی، اور حکام اور ٹھیکیدار کو تال میل سے آگے بڑھنے کو کہا گیا ہے۔
انہوںنے کہا کہ اس ماہ کی 21 تاریخ کو وہ ریلوے کے جی ایم سے ملاقات کریں گے اور زیر التواء ریلوے مسائل کے ساتھ قاضی پیٹ میں ریلوے بس اسٹینڈ قائم کرنے کے لیے کام کریں گے۔ اس پروگرام میں سینیر سیاسی قائد ایڈوکیٹ ابوبکر کے ساتھ مقامی عوامی نمائندوں، قائدین، عہدیداروں اور دیگر نے شرکت کی۔
