ہنمکنڈہ میں انڈرا شکتی سبھا کے انتظامات پر جائزہ اجلاس
ہنمکنڈہ میں انڈرا شکتی سبھا کے انتظامات پر جائزہ اجلاس
Review meeting on arrangements for Indra Shakti Sabha in Hanamkonda
حیدرآباد/ ہنمکنڈ:-16/نومبر
(دستور نیوز ڈاٹ کام)
ہنمکنڈہ ضلع کانگریس پارٹی صدر اور ورنگل مغرب کے رکن اسمبلی نینی راجندر ریڈی کی صدارت میں نعیم نگر، ہنمکنڈہ میں ایک جائزہ اجلاس منعقد ہوا۔ اس موقع پر مہمانانِ خصوصی میں تلنگانہ پردیش کمیٹی کے صدر شری بومّا مہیش کمار گوڑ، تلنگانہ ریاستی وزراء محترمہ کونڈاسریکھا، دودڈیلا سری دھر بابو، پونّم پربھاکر اور ریاستی حکومت کے مشیرویم نریندر ریڈی موجود تھے۔
اس اجلاس میں 19 نومبر کو ہنمکنڈہ آرٹس اینڈ سائنس اسٹیڈیم میں ہونے والی اندرا مہلا شکتی سبھا اور عزت مآب وزیر اعلیٰ شری ریونت ریڈی کے زیرِ صدارت شروع ہونے والے کلو جی کلکشیترا پروگراموں کے انتظامات پر تفصیلی گفتگو کی گئی۔
بعد ازاں منعقدہ پریس کانفرنس سے خطاب کرتے ہوئے انہوں نے کہا کہ اندرا مہلا شکتی سبھا کا بنیادی مقصد عوام اور پارٹی کارکنان کو ایک ساتھ جوڑنا ہے۔حکومت نے ضلع میں پہلی فتح کی تقریب قلع وروگلو میں منعقد کرنے کا فیصلہ کیا ہے جہاں رانی رودرما دیوی نے پہلی کامیابی حاصل کی تھی۔
پچھلے 11 مہینوں میں عوام کے لیے متعدد فلاحی اسکیموں کا نفاذ اور ترقیاتی پروگرام انجام دیے گئے ہیں۔عوام میدانِ عمل میں ہمارے کام کو دیکھ رہے ہیں۔ عوامی حکومت کا بنیادی مقصد یہ ہے کہ اصل مستحقین تک اسکیموں کا فائدہ پہنچے، جبکہ اپوزیشن سوشل میڈیا پلیٹ فارم پر جھوٹی تشہیر کر رہی ہے۔
کانگریس حکومت جمہوری نظام میں آگے بڑھے گی۔وزیر اعلیٰ ریونت ریڈی کے دورہ کے دوران ورنگل شہر کی ترقی کے حوالے سے اہم اعلانات کیے جائیں گے جو شہر کی مزید ترقی میں معاون ہوں گے۔
اس اجلاس میں موجود افراد میں ریاستی حج کیمیٹی چیرمین حضرت سید غلام افضل بیابانی المعروف خسرو پاشاہ، ایم پی کڈیم کاویا، پور یکا بالارام نائیک، پی آر رامچندر نائیک، ایم ایل اے کڈیم سری ہری، ریوری پرکاش ریڈی، کے آر نگر اجو، گنڈ را ستیہ نارائنا راؤ، ڈاکٹر مرلی نائیک، میئر گنڈو سدھارانی، ضلع پارٹی صدر ایربیلی سورنا، پیداکولا اشوک، پرکاش ریڈی، پرتاپ ریڈی، ڈی سی سی بی چیئرمین مارنینی رویندر راؤ، کڈا چیئرمین انوگلا وینکٹ رام ریڈی، راشٹرہ گرندھالیہ سنستھا چیئرمین ریاض اور ٹی پی سی سی رہنما، ریاستی رہنما اور دیگر شامل تھے۔
