آٹو ڈرائیور نے کیا ‘مہالکشمی’ اسکیم کے خلاف غصے کا اظہار ۔پرجا بھون کے سامنے پیش آیا واقعہ
حیدرآباد: -یکم/فروری
(دستور نیوز ڈاٹ کام)
ریاست میں خواتین کے لیے ‘مہالکشمی’ مفت بس سفر اسکیم کے خلاف ایک ڈرامائی احتجاج میں، دیوا (45)، ایک آٹو رکشہ ڈرائیور، نے جمعرات کی شام پرجا بھون کے سامنے سخت اقدامات اٹھائے۔
پریشان ڈرائیور اپنا آٹو رکشہ چلاتے ہوئے پرجا بھون پہنچا، اور گاڑی کو آگ لگا دی، اس کے ساتھ خود سوزی کی کوشش بھی کی۔ ٹریفک پولیس اور پرجا بھون سیکورٹی کی فوری مداخلت نے اس کی خود سوزی کی کوشش کو ناکام بنا دیا، لیکن بدقسمتی سے آٹو رکشا پوری طرح سے آگ کی لپیٹ میں آ گیا۔
پولیس اور فائر بریگیڈ کے عملے کی بروقت کارروائی نے آگ پر قابو پالیا جس سے مزید نقصان ہونے سے بچا۔ محبوب نگر کے رہنے والے دیوا کو بعد میں پولس نے اس کی حرکتوں کی بنا پر گرفتار کر لیا۔ اس واقعہ نے سماجی بہبود کی اسکیموں کے سماج کے مختلف طبقوں پر پڑنے والے اثرات کے بارے میں بحث چھیڑ دی ہے۔
