New Year Celebrations Held with Enthusiasm at Warangal Police Commissionerate
ورنگل پولیس کمشنریٹ میں نئے سال کی تقریبات جوش و خروش سے منعقد
حیدرآباد/ورنگل:یکم جنوری
(دستور نیوز ڈاٹ کام)
نئے سال کے موقع پر ورنگل پولیس کمشنریٹ میں شاندار اور پروقار تقاریب کا اہتمام کیا گیا۔ پولیس کمشنریٹ کے دفتر میں منعقدہ خصوصی تقریب میں ورنگل کے پولیس کمشنر مسٹر سن پریت سنگھ نے بطورِ مہمانِ خصوصی شرکت کی اور پولیس افسران کے ہمراہ کیک کاٹا۔
تقریب کے دوران پولیس کمشنریٹ کے دائرۂ اختیار میں خدمات انجام دینے والے پولیس افسران و عملہ، سرکاری افسران، اسکولی طلبہ اور میڈیا نمائندوں نے پولیس کمشنر سے خیرسگالی ملاقات کی اور انہیں گل دستے اور پودے پیش کیے۔
اس موقع پر خطاب کرتے ہوئے پولیس کمشنر سن پریت سنگھ نے کہا کہ نئے سال میں عوام کو مزید بہتر خدمات فراہم کرنا پولیس کی اولین ترجیح ہوگی۔ انہوں نے افسران اور عملے پر زور دیا کہ طے شدہ اہداف کی تکمیل کے ساتھ ساتھ اپنی صحت کا خاص خیال رکھیں اور خوشگوار ماحول میں فرائض انجام دیں۔
اس تقریب میں ڈی سی پیز راجمہندر نائک، دارا کویتا، اے ایس پی شوبھم، ٹرینی آئی پی ایس منیشا نہرا، ایڈیشنل ڈی سی پیز روی، پربھاکر، بالاسوامی، سریش کمار، سرینواس کے علاوہ اے سی پیز، انسپکٹرس، آر ایس، ایس آئیز اور دیگر پولیس عملے نے شرکت کی۔
دستور نیوز ڈاٹ کام
