CPI Extends Grand Felicitation to Sarpanch Karre Lakshmi
سرپنچ کرّے لکشمی کو سی پی آئی کی جانب سے شاندار تہنیت
حیدرآباد/ہنمکنڈہ:13/دسمبر
(دستور نیوز ڈاٹ کام)
ہنمکنڈہ ضلع کے ایلکتورتی منڈل کے گوپال پور گاؤں سے سی پی آئی کی نمائندگی کرتے ہوئے منتخب ہونے والی سرپنچ کرّے لکشمی بکشپتی کو شاندار انداز میں تہنیت پیش کی گئی۔ یہ تہنیتی تقریب ہفتہ کے روز ہنمکنڈہ کے بالسمدرم میں واقع سی پی آئی ضلع دفتر میں منعقد ہوئی۔
اس پروگرام میں سی پی آئی ریاستی معاون سکریٹری تکّلا پلی سرینواس راؤ بطورِ مہمانِ خصوصی شریک ہوئے۔ اس موقع پر نو منتخب سرپنچ کرّے لکشمی بکشپتی کو شال اور گل دستہ پیش کر کے مبارکباد دی گئی۔
تقریب سے خطاب کرتے ہوئے تکّلا پلی سرینواس راؤ نے کہا کہ سرپنچ کو چاہئے کہ وہ گاؤں کے بنیادی مسائل کے حل میں پیش پیش رہیں اور گوپال پور گاؤں کو ایک مثالی گاؤں کے طور پر ترقی دیں۔ انہوں نے امید ظاہر کی کہ کرّے لکشمی اپنی ذمہ داریوں کو ایمانداری اور لگن کے ساتھ انجام دیں گی۔
اس موقع پر سی پی آئی ضلع سکریٹری کرّے بکشپتی، ریاستی کمیٹی کے اراکین شیخ باشا میاں، آدری سرینواس، ضلع معاون سکریٹری تھوٹا بکشپتی، ضلع عاملہ کے اراکین کرّے لکشمن، اُتکوری رامولو، گناراپو رمیش، منیگالا بکشپتی، ایدونوری وینکٹ راجم، منچالا رما دیوی، نیدونوری راجا مولی، باشا بوئینا سنتوش، کوٹّیپاک روی کے علاوہ گنٹی راجندر، یالّا سنجیو، الُووالا راجو، پی رامو، وائی ناگ راجو اور دیگر پارٹی قائدین و کارکنان بڑی تعداد میں موجود تھے۔
