خواتین صحافیوں کے مسائل حل کیے جائیں، میڈیا اکیڈمی چیئرمین سے اپیل
Appeal to Media Academy Chairman to resolve issues of women journalists immediately
حیدرآباد:-21/نومبر
(دستور نیوز ڈاٹ کام)
تلنگانہ اسٹیٹ یونین آف ورکنگ جرنلسٹس (TUWJ) خواتین ویلفیئر کمیٹی نے خواتین صحافیوں کو درپیش مسائل کے حل کے لیے میڈیا اداروں کو اقدامات کرنے کی اپیل کی ہے۔
جمعرات کو بی آر کے بھون میں تلنگانہ میڈیا اکیڈمی کے چیئرمین کے سرینواس ریڈی سے ملاقات کے دوران وفد نے ایک یادداشت پیش کی اور خواتین صحافیوں کے مسائل ان کے سامنے رکھے۔
33 فیصد ایکریڈیشن پر عملدرآمد کا مطالبہ**
وفد نے اس بات پر تشویش کا اظہار کیا کہ اگرچہ ہر میڈیا ادارے میں خواتین کو 33 فیصد ایکریڈیشن دینے کی گنجائش ہے، لیکن بہت سے ادارے اس پر عمل نہیں کر رہے ہیں۔ انہوں نے مطالبہ کیا کہ خواتین صحافیوں کو ان کے حصے کے مطابق ایکریڈیشن دینے کے اصول پر سختی سے عمل کیا جائے۔مطالبہ میں وفد نے کہاکہ ویشاکھا گائیڈلائنز پر عملدرآمد کی ضرورت، خواتین صحافیوں نے افسوس ظاہر کیا کہ ہر میڈیا ادارے میں داخلی شکایتی کمیٹی (ICC) قائم کرنے کی گنجائش موجود ہونے کے باوجود اس پر عملدرآمد نہیں ہو رہا۔ انہوں نے کہا کہ ویشاکھا گائیڈلائنز کے مطابق ہر میڈیا تنظیم میں صنفی حساسیت کی ورکشاپس ہونی چاہئیں، لیکن یہ صرف کاغذی حد تک محدود ہیں۔
انہوں نے اپیل کی کہ ویشاکھا گائیڈلائنز کو سختی سے نافذ کیا جائے اور ان اصولوں کی پابندی نہ کرنے والے اداروں کو ایکریڈیشن دینے سے روکنے کے لیے قانون سازی کی جائے۔
اس موقع پر وفد نے دیگر مطالبات جیسے میڈیا اکیڈمی کے احاطے میں شکایتی باکس قائم کیا جائے تاکہ ICC کو دی جانے والی ہر شکایت میڈیا اکیڈمی کی نظر میں بھی آئے۔
– ہر میڈیا تنظیم کو پابند کیا جائے کہ وہ اپنے ادارے میں کام کرنے والی خواتین ملازمین کی فہرست ہر چھ ماہ بعد میڈیا اکیڈمی کو جمع کروائے۔
– خواتین صحافیوں کے لیے 33 فیصد پلاٹوں کی الاٹمنٹ کے اصول پر سختی سے عمل کیا جائے، اور تمام خواتین صحافیوں کو ایکریڈیشن کے بغیر بھی رہائشی پلاٹ اور صحت کارڈ فراہم کیے جائیں۔
– ہر چھ ماہ میں مکمل ہیلتھ چیک اپ کیمپ منعقد کیا جائے۔
– رات کے اوقات میں خواتین ملازمین کے لیے لازمی سفری سہولیات فراہم کی جائیں۔
– خواتین صحافیوں کی حفاظت اور ان کے دیگر مسائل کے حل کے لیے میڈیا اکیڈمی کے تحت ایک خصوصی کمیٹی تشکیل دی جائے۔
وفد سے ملاقات کے بعدمیڈیا اکیڈمی کے چیئرمین کے سرینواس ریڈی نے خواتین صحافیوں کے مسائل پر مثبت ردعمل ظاہر کیا اور ان امور پر حکومت سے مشاورت، پالیسی سازی اور خواتین صحافیوں کی فلاح و بہبود یقینی بنانے کی یقین دہانی کرائی۔
اس موقع پر TUWJ خواتین ویلفیئر کمیٹی کی انچارجز کلیانم راجیشوری، اٹلوری ارونا، اجیتا، ونگا یشودھا، سوریہ کماری، پرتبھا، اورمحترمہ ساجدہ بیگم بھی موجود تھیں۔
