بارش کے موسم میں اسہال diarrohoea کو پھیلنے سے روکنے کے لیے شعور بیداری وال پوسٹرس کی رسم اجرائی
حیدرآباد/ورنگل:8/مئی
(دستور نیوزڈاٹ کام)
ہنمکنڈہ ضلع کلکٹر پراونیا نے کہا کہ بارش کے موسم میں اسہال diarrohoea کو پھیلنے سے روکنے کے لیے ضلع بھر میں متعلقہ حکام کے ساتھ آپسی تال میل سے ڈائریا مہم پروگرام کا انعقاد کیا جانا چاہیے۔
آج کانفرنس ہال میں ایڈیشنل کلکٹر مسٹر وینکٹ ریڈی، مسز رادھیکا گپتا، ڈسٹرکٹ ہیلتھ آفیسر ڈاکٹر بی سمباسیو راؤ، سی پی او مسٹر ستیہ نارائن ریڈی کے ساتھ دیگر ضلعی عہدیداروں نے ڈائریا بیداری پروگرام کے وال پوسٹرس کی رسم اجرائی کی۔
اس موقع پر کلکٹر نے کہا کہ 31 اگست تک ضلع میں ڈائریا کنٹرول سے متعلق بیداری پروگرام منعقد کئے جائیں گے۔ بیداری کے پروگرام ضلعی طبی، صحت، تعلیم، بہبود، دیہی ترقی، میونسپل سوسائٹیز اور آبپاشی کے محکموں کے ساتھ مل کر چلائے جائیں۔
انہوں نے کہا کہ ہر گھر کا دورہ کیا جائے اور پانچ سال سے کم عمر بچوں کی تفصیلات اکٹھی کی جائیں اور اگر اسہال کا مسئلہ ہو تو عمر کے گروپ کے مطابق ORS سلوشن اور زنک کی گولیاں فراہم کی جائیں اور علاج کیا جائے۔
انہوں نے کہا کہ سرکاری سکولوں اور ہاسٹلوں میں بچوں کو کھانے سے پہلے احتیاطی تدابیر سے آگاہ کیا جائے اور اسہال سے بچاؤ کے لیے ابتدائی اقدامات کیے جائیں۔
اڈیشنل کلکٹر مسٹر وینکٹ ریڈی، مسز رادھیکا گپتا، ڈسٹرکٹ ہیلتھ آفیسر ڈاکٹر بی سمباسیواراؤ، سی پی او مسٹر ستیہ نارائنا ریڈی، ڈسٹرکٹ ویلفیر آفیسر مسٹر مادھوریما، پرکال آر ڈی او مسٹر نارائنا، ڈسٹرکٹ امیونائزیشن آفیسر ڈاکٹر افتخار احمد اور دیگر نے اس پروگرام میں شرکت کی۔
