Our Telangana is a symbol of religious harmony. Minister Konda Surekha participates in Iftar invitation, wishes Muslim brothers on the occasion of Ramadan
مذہبی ہم آہنگی کی علامت ہمارا تلنگا نہ۔ افطار دعوت میں وزیر کونڈا سریکھا کی شرکت،مسلم بھائیوں کو رمضان کی مبارکباد
حیدرآباد/ونگل:-29/مارچ
(دستور نیوزڈاٹ کام)
ریاستی وزیر برائے جنگلات، ماحولیات اور اوقاف کونڈا سریکھا نے کہا کہ تلنگانہ حکومت اقلیتوں کی فلاح و بہبود کے لیے پُرعزم ہے اور مسلم بھائیوں کے لیے متعارف کردہ اسکیموں سے مستحق افراد کو بھرپور فائدہ اٹھانا چاہیے۔ یہ بات انہوں نے ہفتہ کے روز ورنگل کے ایل بی نگر میں اے-1 فنکشن ہال میں رمضان المبارک کے موقع پر منعقدہ افطار دعوت کے دوران کہی۔
اس تقریب میں سابق ایم ایل سی کونڈا مرلی دھر راؤ، شہر کی میئر گنڈو سدھا رانی، ضلع کلکٹر ڈاکٹر ستیہ شاردا، ریاستی حج کمیٹی کے چیئرمین و سجادہ درگاہ قاضی پیٹ مولانا سید شاہ غلام افضل بیابانی المروف خسرو پاشا نے بھی خطاب کیا۔
اس موقع پر اہنوں نے روزے سے رہنے والے مسلم بھائیوں کو افطار کروایا گیا۔ بعد ازاں وزیر کونڈا سریکھا نے کہا کہ افطار دعوت میں شریک ہونا باعثِ مسرت ہے۔ انہوں نے رمضان المبارک کی عظمت کو سراہا اور کہا کہ تمام مذاہب انسانیت، محبت اور بھائی چارے کا درس دیتے ہیں، اور تمام انسانوں کو بھائی چارے کے جذبے کے ساتھ رہنا چاہیے۔ انہوں نے مسلم بھائیوں اور بہنوں کو رمضان کی دل سے مبارکباد پیش کی۔
اس موقع پر انہوں نے مزید کہا کہ ریاست کے وزیر اعلیٰ نے مسلم بھائیوں کو ہر شعبے میں آگے بڑھانے کے لیے خصوصی حکمتِ عملی تیار کی ہے۔ خاص طور پر مختلف شعبوں میں نمایاں کارکردگی دکھانے والے نوجوانوں کو روزگار کے مواقع فراہم کیے جا رہے ہیں۔
وزیر نے کہا کہ ریاستی حکومت مسلم خواتین کو ہر میدان میں کامیاب بنانے کے لیے خصوصی منصوبے ترتیب دے رہی ہے، اور حکومت کی جانب سے فراہم کردہ مواقع سے تمام طبقوں کو فائدہ اٹھانا چاہیے۔ انہوں نے کہا کہ رمضان کا مہینہ نہایت مقدس ہے، اور مسلسل ایک ماہ تک روزہ رکھنا قابلِ فخر عمل ہے۔
اس موقع پر کارپوریٹرز فر خان، کاویتی کویتا، سنیل جوشی، پوشالا پدما، سینیرکانگریس قائد محمد ایوب، ایڈوکیٹ مدثرفرخان، مولانا امیر اللہ، ڈاکڑ انیس صدیقی، ماری پالا روی، چنتاکولا انیل، اقلیتی بہبود کے افسر رمیش، ڈی پی آر او ایوب علی، مسلم علمائے کرام، عوامی نمائندے اور بڑی تعداد میں مسلم مرد و خواتین موجود تھے۔
ریاستی وزیر برائے جنگلات، ماحولیات، اوقاف اور مذہبی امور کونڈا سریکھا نے کہا کہ ریاستی حکومت نے اقلیتوں کی فلاح و بہبود کے لیے خصوصی حکمتِ عملی ترتیب دی ہے اور مسلم برادری کے لیے شروع کی گئی فلاحی اسکیموں سے مستحقین بھرپور فائدہ اٹھائیں۔ یہ بات انہوں نے ورنگل کے ایل بی نگر میں سابق ایم ایل سی کونڈا مرلی دھر راؤ اور ریاستی وزیر کونڈا سریکھا کی جانب سے منعقدہ افطار دعوت میں مسلم بھائیوں کے ساتھ خصوصی دعا میں شرکت کے بعد کہی۔
