Security Arrangements Reviewed Ahead of CM’s Visit to Narsampet — Police Commissioner Issues Key Directives
وزیراعلیٰ کے دورہ نرسام پیٹ کے پیش نظر سیکورٹی انتظامات کا جائزہ — کمشنر پولیس کی جانب سے اہم ہدایا ت
حیدرآباد/ورنگل: 4/ڈسمبر
(دستور نیوز ڈاٹ کام)
ریاست کے وزیراعلیٰ مسٹر اے ریونت ریڈی کے کل ہونے والے دورہٴ نرسم پیٹ کے سلسلے میں سیکورٹی انتظامات کا اعلیٰ سطحی جائزہ لیا گیا۔ ورنگل پولیس کمشنر مسٹر سن پریت سنگھ نے پولیس اور ریونیو افسران کے ہمراہ وزیراعلیٰ کے دورہ کے مجوزہ مقامات کا معائنہ کیا۔اس موقع پر کمشنر پولیس نے جلسہ گاہ، ہیلی پیڈ، پارکنگ ایریا اور دیگر اہم پوائنٹس کا تفصیلی جائزہ لیتے ہوئے فول پروف سیکورٹی کے لیے ضروری اقدامات کرنے کی ہدایت دی۔
انہوں نے متعلقہ افسران کو ٹریفک مینجمنٹ، وی آئی پی روٹ میپ، عوامی ہجوم کی رہنمائی اور ایمرجنسی ریسپانس ٹیموں کی تعیناتی سمیت مختلف امور پر رہنمائی فراہم کی۔
کمشنر پولیس نے واضح کیا کہ وزیراعلیٰ کی آمد کے پیش نظر کسی بھی قسم کی غفلت برداشت نہیں کی جائے گی اور تمام انتظامات مقررہ وقت میں مکمل کیے جائیں۔ عوام کی سہولت اور امن و امان کو یقینی بنانے کے لیے پولیس نے خصوصی منصوبہ بندی تیار کرلی ہے۔
