"There should be no shortage of irrigation and drinking water” – Warangal in-charge Minister Pongaleti
آبپاشی اور پینے کے پانی کی قلت نہ ہونے دی جائے”- ورنگل انچارج وزیر پونگلیٹی
حیدرآباد:-9/مارچ
(دستور نیوز ڈاٹ کام)
ورنگل انچارج وزیر اور ریاستی وزیر برائے ریونیو، ہاؤسنگ، اطلاعات و عوامی تعلقات پونگلیٹی سرینواس ریڈی نے ورنگل کے ضلعی کلکٹرز کو ہدایت دی ہے کہ آئندہ گرمیوں کے پیش نظر آبپاشی اور پینے کے پانی کی قلت سے بچنے کے لیے پیشگی اقدامات کیے جائیں۔
اتوار کی رات اپنے رہائش گاہ پر وزیر موصوف نے ریاستی وزیر جنگلات کونڈا سریکھا، وزیراعلیٰ کے مشیر ویم نرینندر ریڈی، ورنگل کے پارلیمانی اور اسمبلی نمائندگان، دیگر عوامی نمائندگان اور ضلعی کلکٹرز کے ساتھ اجلاس منعقد کیا۔ا س موقع پر وزیر نے عوامی نمائندوں کی تجاویز لیتے ہوئے کہا کہ زرعی شعبے اور پینے کے پانی کی ضروریات کو پورا کرنے کے لیے فوری اقدامات کیے جائیں۔
انہوں نے اعلان کیا کہ آبپاشی کے مسائل کے حل کے لیے پیر کو آبپاشی کے وزیر اُتم کمار ریڈی کے ساتھ اجلاس منعقد کیا جائے گا۔اندِرامّا ہاؤسنگ اسکیم میں تیزی لانے کی ہدایتریونیو، ہاؤسنگ اور عوامی تعلقات کے وزیر پونگلیٹی سرینواس ریڈی نے ضلعی کلکٹرز کو ہدایت دی کہ اندِرامّا ہاؤسنگ اسکیم کے کاموں میں مزید تیزی لائی جائے اور اس منصوبے کو شفافیت کے ساتھ مکمل کیا جائے۔
مستحقین کے انتخاب میں کسی قسم کی بے ضابطگی نہ ہونے دی جائے۔آئندہ دو سے تین دن میں مستحقین کے انتخاب کا عمل مکمل کیا جائے۔
حکومت کا مقصد تمام غریب افراد کو اندِرامّا مکانات فراہم کرنا ہے، لہذا کلکٹرز حکومت کی پالیسیوں کے مطابق کام کریں۔اگر کسی کلکٹر کو کوئی شک ہو تو وہ براہ راست وزیر سے رابطہ کرے اور کام میں تاخیر نہ کرے۔
مستحقین کے انتخاب میں مقامی ایم ایل ایز کی رائے کو بھی مدنظر رکھا جائے اور انتہائی غریب افراد کو ترجیح دی جائے۔جو 2BHK مکانات مکمل ہو چکے ہیں، ان میں مستحقین کو جلد از جلد بسایا جائے۔نامکمل مکانات کو یا تو کنٹریکٹر مکمل کریں یا مستحقین خود مکمل کرنے کے اقدامات کیے جائیں۔
ورنگل کے ترقیاتی منصوبوں پر زوروزیر نے ہدایت دی کہ ورنگل میں ایئرپورٹ، آؤٹر رنگ روڈ اور انر رنگ روڈ کے لیے زمین کے حصول کے عمل کو تیز کیا جائے تاکہ ان منصوبوں کو جلد از جلد مکمل کیا جا سکے۔
اجلاس میں شریک رہنمااس اجلاس میں پارلیمانی اراکین بلرام نائک، کڈیم کاویہ، ایم ایل ایز دونتو مادھور ریڈی، کڈیم سری ہری، مرلی نائک، رام چندرا نائک، ریوری پرکاش ریڈی، گنڈرا ستیہ نارائنا ریڈی، ورنگل کی میئر گنڈو سدھا رانی اور ضلعی کلکٹرز شریک تھے۔
