وزیر اعظم نریندر مودی نے مرکزی بجٹ میں تلنگانہ کے تئیں تعصب اور نفرت کا اظہار کیا ہے ، تلنگانہ سے نا انصافی ہوئی ہے ۔ تکلا پلی سرینواس راؤ
حیدرآباد/ ورنگل:-4/جولائی
(دستور نیوزڈاٹ کام)
سی پی آئی کے ریاستی سکریٹری تکلاپلی سری نواس راؤ نے مرکزی بجٹ میں تلنگانہ سے نا انصافی پر شدید ردعمل ظاہر کیاہے۔ انہوں نے کہا کہ مرکزی حکومت نے تلنگانہ کے ساتھ بہت ناانصافی کا فیصلہ کیاہے۔ آندھراپردیش کیلئے کئی اعلانات کی گئی لیکن تلنگانہ کو جان بوجھ کر نظرانداز کیاگیا۔ انہوں نے کہا کہ وزیر اعظم نریندر مودی نے مرکزی بجٹ میں تلنگانہ کے ساتھ ہٹ دھرمی دکھا کر ایک بار پھر تلنگانہ کے تئیں اپنے تعصب اور نفرت کا اظہار کیا ہے۔ منگل کو مرکزی وزیر خزانہ نرملا سیتا رامن کے پیش کردہ بجٹ میں تلنگانہ سے نا انصافی کے خلاف احتجاج کرتے ہوئے ہنمکنڈہ کالوجی سنٹر میں مرکزی حکومت کا پتلا جلایا گیا۔
اس موقع پر تکلا پلی سری نواس راؤ نے کہا کہ وزیر اعظم نریندر مودی شروع سے ہی تلنگانہ کے رہے ہیں۔ انہوں نے کہا کہ تلنگانہ کی تشکیل کی مخالفت کرنے والے مودی شروع سے ہی تلنگانہ کی ترقی میں رکاوٹیں ڈال رہے ہیں۔ انہوں نے کہا کہ مودی جو ایک کمزور وزیر اعظم ہیں جنہیں عوام کی اکثریت نے گزشتہ پارلیمانی انتخابات میں مسترد کر دیا تھا، اپنی کرسی کو بچائے رکھنے کیلئے آندھراپردیش اور بہار کے وزرائے اعلیٰ سے خوفزدہ تھے اور ان ریاستوں کو ضرورت سے زیادہ فنڈز مختص کیے گئے ہیں۔ انہوں نے کہا بہار اور آندھراپردیش ریاستوں نے ان کی کرسی کی حفاظت کی ہے اسکے لیے بہت زیادہ فنڈز مختص کیے گئے؟ اور پوچھا کہ کیا مودی ملک کے وزیر اعظم ہیں یا بہار اور آندھراپردیش ریاستوں کے وزیر اعظم ہیں؟
مرکزی وزیر کشن ریڈی اور بنڈی سنجے کو بی جے پی کے ارکان اسمبلی کے ساتھ وہ تلنگانہ کے عوام کو جواب دیں اور وزیر خزانہ نرملا سیتا رامن کے ذریعہ پیش کئے گئے مرکزی بجٹ میں تلنگانہ کے رائے دہندوں کو دھوکا دیاگیا، قاضی پیٹ ریلوے کوچ فیکٹری، ملگ ٹرائبل یونیورسٹی، بیارام اسٹیل انڈسٹری، وغیرہ جو ریاست کی تقسیم کے دوران وعدے کیے گئے تھے کیا وہ صرف جملے تھے، انہوں نے کہا کہ تلنگانہ کے عوام آنے والے دنوں میں بی جے پی کو سبق سکھائیں گے۔
اس موقع پر انہوں نے خبردار کیا کہ وزیر اعظم اور وزیر خزانہ، جنہیں تمام خطوں اور ریاستوں کے ساتھ یکساں سلوک کرنا چاہیے، وزیر اعظم نے چند ریاستوں کو فنڈز مختص کر کے تلنگانہ ریاست کو دیے گئے وعدوں کو مکمل طور پر نظر انداز کر دیا ہے، اور خبردار کیا کہ بی جے پی کا تلنگانہ ریاست میں مزید کوئی وجود نہیں رہے گا۔
اس موقعہ پر سی پی آئی کے ضلع سکریٹری کررے بکشاپتی، سابق ضلع سکریٹری سرابوئینا کروناکر، ضلع اسسٹنٹ سکریٹری توٹا بکشاپتی، مدیلا ایلیش، راشٹرا سمیتی کے اراکین این اشوک اسٹالن، لیڈران اتکوری رامولو، کررے لکشمن، منی گالا بکشاپتی، باشابویا سنتوش، کوٹیپاکا روی، جکو راجو گوڈ، نیملا منوہر، شنکر نائک، رمیش دیوا، راما دیوی اور دیگر موجود تھے۔
