Strict action will be taken against irregularities in Indrama Housing Scheme: MLA Naini Rajendra Reddy
اندراما ہاؤسنگ اسکیم میں بے قاعدگیوں پر سخت کارروائی ہوگی رکن اسمبلی نائینی راجندر ریڈی
حیدرآباد/ہنمکنڈہ:-4/مارچ
(دستور نیوز ڈاٹ کام)
ہنمکنڈہ میں ایم ایل اے نائینی راجندر ریڈی نے اندراما کمیٹی کے اراکین کے ساتھ جائزہ اجلاس منعقد کیا۔ اجلاس میں انہوں نے کہا کہ اندراما ہاؤسنگ اسکیم میں شفافیت کو یقینی بنایا جائے گا، اور کسی بھی قسم کی بے قاعدگی برداشت نہیں کی جائے گی۔ انہوں نے سخت لہجے میں خبردار کیا کہ اگر کسی لیڈر یا کیڈر نے رشوت لی یا بدعنوانی کی تو ان کے خلاف سخت کارروائی ہوگی۔
ایم ایل اے نے بتایا کہ انتخابات کے قواعد ختم ہونے کے بعد حلقے کے لیے 3,500 مکانات کی منظوری دی گئی ہے، اور جلد ہی مستحق افراد کا انتخاب کرکے انہیں اس اسکیم کے تحت مکانات دیے جائیں گے۔ انہوں نے کمیٹی اراکین کو ہدایت دی کہ وہ ہر ڈویژن میں حقیقی مستحقین کی نشاندہی کرکے ان کے حق میں فیصلے کریں تاکہ کسی بھی ضرورت مند کو نظرانداز نہ کیا جائے۔
انہوں نے پارٹی لیڈروں کو ہدایت دی کہ وہ روزانہ وارڈز کا دورہ کریں، عوامی مسائل کا جائزہ لیں اور ان کے حل کے لیے اقدامات کریں۔ انہوں نے کہا کہ عوام نے اعتماد کے ساتھ ہمیں منتخب کیا ہے، اور یہ ہماری ذمہ داری ہے کہ ان کے اعتماد کو ٹھیس نہ پہنچے۔ایم ایل اے نائینی راجندر ریڈی نے مزید کہا کہ اندراما ہاؤسنگ اسکیم میں اگر کسی بھی سطح پر لاپرواہی برتی گئی یا پیسے لے کر غیر مستحق افراد کو فائدہ پہنچایا گیا، تو ذمہ دار افراد کو بخشا نہیں جائے گا۔
انہوں نے کہا کہ سابقہ حکومتوں کی غلط پالیسیوں سے عوام تنگ آچکے ہیں، اور اب ہم پر ذمہ داری ہے کہ ہم دیانت داری کے ساتھ ترقیاتی و فلاحی کام انجام دیں۔انہوں نے کہا کہ پچھلے 14 مہینوں میں حلقے میں نمایاں ترقیاتی کام ہوئے ہیں، اور مستقبل میں بھی یہی رفتار برقرار رکھی جائے گی۔ انہوں نے پارٹی کارکنوں پر زور دیا کہ وہ عوام میں جاکر ترقیاتی کاموں سے انہیں آگاہ کریں اور پارٹی کے استحکام کے لیے کام کریں۔
اس موقع پر پی سی سی رکن بَتھنی سرینواس راؤ، فلور لیڈر تھاٹا وینکٹیشورلو، سینیرقائد و سابقہ کارپوریٹر ایڈوکیٹ ابوبکر، کارپوریٹرز پوتولا شریمن، مامِنڈلا راجو، سید وجے شری ، راضا علی، مانسہ رام پرساد، نیکونڈا کویتا کشن، بلاک کانگریس صدر نائینی لکشما ریڈی، امبیڈکر راجو، ضلع او بی سی نائب صدر جناردھن، ضلع آر ٹی اے رکن پلکونڈا ستیش، سابق کارپوریٹرز، ڈویژن صدور، سینئر قائدین، خواتین رہنما، اور کمیٹی کے دیگر اراکین نے شرکت کی۔
